** روعتني فيك يالقرم النجيب**
عجبتني هذه القصيده لشاعرة ( وحيدة السعودية)
لانها قد عادت بنا الى زمن الوضوح
ولغة العتب والصورة البدويه النقية 00
روعتني فيك دورات الليالي 000 والليالي حالهن حال عجيب
كنت اعدك من وفيين الرجالي 000 لاتبوق ولا تخون ولاتخيب
لين طاح الستر من دون الخمالي 000 وانكشف فيك الخنا قبل المشيب
آه ليت العمر من رجواك خالي000 ليت رجلي ما مشت ذاك الشعيب
آه ياحر على روس الطوالي000 كيف عقب النايفة طاحت بقليب
انحدرت بعين من خلاك غالي000 لين ما تسوى مناداتك حبيب
كم نشدني عنك من يخفاه حالي000 قلت طيب وزايد بالوقت طيب
وأنت مثل الحنظلة تشرب زلالي 000 والثمر مر مع الغصن الرطيب
كم سقيتك من هواي ومن دلالي000 كم عطيتك وأثر ماشيء يثيب
الليالي حسبي الله يالليالي000 روعتني فيك يالقرم النجيب
مادرت قلب صلاه الله بصالي000 متعب من عاثر الدرب الصعيب
يوم شافك بالظما حس الظلالي000 وأثر له بحماك سجن من لهيب
حالته تشدى خلوج في عقالي 000 يوم حايرها غدى دمه صبيب
يوم لجت وأنثنت بين الحبالي000 نوخوها بين حنات ونحيب
كان لي حب جلا والهم جالي 000 والبواقي بعض ذكرى ما تغيب
منقول ( عسى تعجبكم )
.
الرئيسية
البوابة
التسجيل
دخول
